Testi
|
Maffio Venier
|
|
venerdì 21 marzo 2008 |
Hiersera ti domando da chiavar
Che per il vero me tirava 'l cazzo,
E quando credo d'haver sto solazzo
Ti me respondi: No te ne vuoi dar.
Donna coiona, che crédistu far?
Crédistu forsi che sia 'l to ragazzo,
O pur mi tienti per sì castronazzo
Che ti me possi a to modo trattar?
Per dirme: Anema mia, doman de sera
Vien a dormir co' mi, ti crederà
Che torna a casa toa co bona ciera.
Te t'inganni, non son matto spazzà.
Vuoi, se credessi tior una massera,
Farme novizzo per no vegnir là.
Varda s'ti m'haverà,
Che più presto ch'a fotterte mai più
Vuoi tior de patto esser becco fotù.
Tags: Testi Maffio Venier Hiersera ti domando da chiavar
|
|
|
Giorgio Baffo
|
|
venerdì 21 marzo 2008 |
Sodoma è stà brusada per decreto
de quell'eterno onnipotente Iddio
perchè la posedeva quel difeto
che xe tanto nefando, e tanto rio.
Mo per cossa, Signor, soffrir in effeto,
che un popolo che ga da viver pio,
el sia sì buzzaron e maledeto,
che tuto el zorno el vaga in quel dadrio.
Castighela sta razza buzarona,
e comenziè l'esempio sora i frati,
e i preti che in sta forma i ve cogiona.
Fè nascer senza cazzo sti prelati,
e za che 'l so pensier xe culo e, mona,
castrei, come se fa dei cani, e i gati.
Tags: Testi Giorgio Baffo Sodoma è stà brusada per decreto
|
|
|
Giorgio Baffo
|
|
venerdì 21 marzo 2008 |
El primo mestier che go imparà,
l'è sta menarme ben spesso l'osello
e co maestro po so sta de quello,
a cazzarlo in la mona m'ho provà.
E po pensando de non far peccà,
go rotto el culo a un grazioso puttello,
quello m'ha parso ch'el sia un gusto bello,
perchè più fresco , e stretto là son sta.
La mona a dir el vero è un gusto grando;
saria un beccofottù se me lagnasse,
ma el culo è salutar de quando en quando.
Meggio assae della cassia, e del rabarbaro,
el sarave per quello, che no cagasse,
meggio dei lavativi, e cremor de tartaro
Tags: Testi Giorgio Baffo El primo mestier che go imparà
|
|
|
Giorgio Baffo
|
|
venerdì 21 marzo 2008 |
Me tira el cazzo, che 'l me va in malora,
Me pizza la cappella, e più no posso,
L'è duro come un ferro, come un osso,
Adesso el se corrompe, adesso el sbora.
Deh! cara vita mia, cara signora,
Leveme via sta malatia da dosso,
Tastè co 'l scotta, vardè co l'è rosso,
Palpè, che la lussuria va per sora.
Slarghè le gambe, e quel monin da latte
Sporzeme, caro ben, sulla spondetta,
Lassè che metta un deo tra le culatte.
Oh! mona cara, siestu benedetta!
Care ste culattine e chi l'ha fatte,
Cara potta, ben mio, ti xe pur stretta!
Tags: Testi Giorgio Baffo Me tira el cazzo
|
|
|
Giorgio Baffo
|
|
venerdì 21 marzo 2008 |
Oh bus del cul, che tra do colinette
In circolo ti xe tondo e perfetto,
Un vaso ti me par pien de zibetto
Messo in conserva in quelle to grespette.
Ti me par un melon taggià in do fette:
Che vegna anca el più celebre architetto,
Per Dio, che nol puol far più bel groppetto,
Chè con Natura l'Arte no se mette.
Oh caro culo! oh macchina stupenda!
Gran cose in ti se vede in un momento
Subito che se tira su la tenda;
Se vede monti, valli, e un bosco in drento:
Compatisso la zente reverenda,
Se in quel liogo i farave el so convento.
Tags: Testi Giorgio Baffo Oh bus del cul
|
|
| | << Inizio < Prec. 1 2 3 4 5 6 7 8 9 10 Pross. > Fine >>
| | Risultati 55 - 63 di 93 |
|
|
Citazioni |
|
“Il solo antidoto all'angoscia per la morte ineluttabile è il piacere erotico” Anonimo |
|
