|
Caddu! Nici, tu si gravida!
Ah, cui fu chiss'assurtatu,
chi ficcau un cazzu pantoticu
'ntra ssu sticchiu almu e beatu?
Iu la sorti non invidiu
di ssu cazzu, amata Nici;
sulu ciangiu, ch'iu ccu l'autri
non potti essiri felice.
Comu! dunca mentri in lagrimi
si struggia stu cori invanu,
tu tinevi pr'arraspariti
lu stadduni suttamanu?
E ssu sticchiu mai placabili
né a prieri né a ragiuni,
minchi, comu gloria patiri,
s'agghiutteva all'ammucciuni?
Pri spiegari stu misteriu
non ho ciatu, né palori;
cazzu! è cosa impercettibili
d'una fimmina lu cori!
Tutti, oddiu! bugiardi e perfidi,
tutti siti d'una pasta:
comu! Nici si fa futtiri,
e pareva la chiù casta!
Tags: Testi Micio Tempio A Nici Articoli correlati
|
Testi 
