Parole proibite - Persuasiva Amurusa

Tutto il sito

Testi

Giovanni Meli

Cerca per tag : Testi, Giovanni Meli, Persuasiva Amurusa

Persuasiva Amurusa

Testi - Giovanni Meli

sabato 17 maggio 2008

Dimmi, chi senti fari
cu st'onestà fintizza?
Agghiuttiti sta pizza
e 'un ci pinsari chiù.

Cridi sia puttana
'na donna chi si futti?
Distingu s'è cu tutti,
o pri venalità.

Ma s'è c'un giuvinottu
di bona qualitati,
lu finciri onestati
è bestialità.

Ch'è mai st'onuri? Dimmi,
è regnu ntra la Francia?
è cosa chi si mancia?
Sintemulu zoccu è.

E' un pregiudiziu vanu,
chi cugghiunia la genti.
Futtemu allegramenti,
megghiu piaciri 'un c'è!

Chi voi chi ti dicissi?
Si bedda e si sanguta,
ma si beccafuttuta,
cu tia 'un si ci po.

Un muccuneddu schittu
troppu lu vinni caru,
ch'è lapis di lu raru
lu sticchiceddu to?

Pesta chi ti ni veni?
Ci nchiudi oriu o pagghia?
Vajà prestu, chi già squagghia
st'afflittu meiu cicì!

La gran matri natura
'nclina a lu futtisteriu,
futti lu disideriu
quannu la minchia 'un po.

Anchi li bruti stissi,
privi d'umanitati,
sfoganu pri li strati
stu primu istintu so.

Futtinu l'elementi,
futtinu l'ervi stissi,
lu suli, 'ntra l'eclissi,
si futti, cui lu sa?

Dunca, tralascia, bedda,
sta tua onestà fintizza,
agghiuttiti sta pizza
e 'un ci pinsari chiù.
Tags: Testi Giovanni Meli Persuasiva Amurusa

3.21 Copyright (C) 2007 Alain Georgette / Copyright (C) 2006 Frantisek Hliva. All rights reserved."